Kardiokirurgji minimale invazive

Përvojë në trajtimin kirurgjikal të sëmundjeve të zemrës përmes prerjeve më të vogla, kur kjo metodë është e përshtatshme për gjendjen e pacientit.

Kirurgji komplekse e zemrës

Trajtim i rasteve që kërkojnë ndërhyrje të avancuara, operacione të kombinuara ose rioperime.

Kirurgji e valvulave

Riparim ose zëvendësim i valvulave mitrale, aortale dhe trikuspidale.

KARDIOKIRURG

Përvojë profesionale dhe edukim ndërkombëtar

Dr. Kushtrim Shala është mjek specialist, kardiokirurg, me përvojë shumëvjeçare në fushën e kirurgjisë së zemrës.

Ai ka përfunduar Fakultetin e Mjekësisë në Universitetin e Prishtinës në vitin 2010, me notë mesatare 9.37.

Pjesën më të madhe të shkollimit specialistik e ka zhvilluar në qendra të njohura klinike jashtë Kosovës, përfshirë:

  • Herzzentrum Duisburg, Gjermani
  • Universitätsklinikum Bonn, Gjermani
  • Ankara Türkiye Yüksek İhtisas Eğitim Ve Araştırma Hastanesi, Turqi
  • Ankara Şehir Hastanesi, Turqi

Pas përfundimit të specializimit, Dr. Shala ka punuar në Shërbimin e Kardiokirurgjisë në Qendrën Klinike Universitare të Kosovës deri në vitin 2023.

Ai është anëtar i Asociacionit Europian për Kirurgji Kardio-Torakale, EACTS, dhe kandidat për doktor shkence në mjekësi klinike.

Dr. Shala merr pjesë rregullisht në kongrese dhe konferenca profesionale të kardiokirurgjisë, duke përcjellë zhvillimet dhe teknikat bashkëkohore të kësaj fushe.

Merrni një vlerësim profesional për gjendjen e zemrës suaj.

Gjatë konsultës shqyrtohen diagnoza, ekzaminimet dhe dokumentacioni mjekësor për të përcaktuar hapat e mundshëm të trajtimit.